Hello there! Hope you enjoy my first entry :)
香港/
生活喺香港22年，住到慣哂。唔離開過呢個地方係無辦法得知香港係點的。所以你睇我幾鍾意Maastricht，鍾意到張cover photo就係Station Maastricht。香港係個好高壓既城市，同一般東亞城市一樣，香港人對其他人既人期望都非常高。我地期望每個人都會自我約束，稍有脫序就會先入為主咁認定對方係故意咁做，我地對其他人充滿敵意，脫序既事情發生之後我地最鍾意說教，唔鍾意提供解決方法或者釋出任何善意。
講真，去過Maastricht之後我真係講唔出「好愛香港」呢類說話。所以我係覺得而家抗爭緊既未必唔係好似藍屍咁講「被煽動」。根本好多人都無辦法做啲乜野比較或者選擇，呢種「愛香港、要保護香港、香港是我家」既情緒一次過爆發係好正常。但當我要諗深一層, 到底香港有咩野值得愛？我呢刻真係答你唔出。政府不提、只論人民既高期待真係令人好辛苦。
大家一齊生活喺高壓之下最開心。
領養貓貓/
喺個咁討厭既社會之下我地每個人都受緊苦，我地日日都尋求情緒outlet。抱住隻貓，或者生活會變好，我地好多人都咁諗。對人類苛刻的香港人有好多愛貓人士，有更多貓義工，如同世界各地既貓義工一樣：佢地會救貓，抱走街貓，幫佢地揾個新主人。但唔好忘記：我地係香港人, 對人類係不可能友善的。所以領養貓貓變咗做人同人之間既角力。
貓義工成日會查家底：月薪年薪、屋企呎數、家庭成員、公司資料、婚姻狀況。喺新婚嗰時問如果你地第日離咗婚，隻貓點安置。資料既充足程度夠哂去借貴利。有邊個人可以答到未來發生既事？我唔得，佢地相信都唔得。所有所有問題都係出於一個地方：義工同領養人眼中只有貓。我地唔記得咗領養呢件事係人同人交流既事。
「為咗貓貓好」成為咗一個任性，唔理人際關係既藉口。儘管我地幾鍾意自貶身價笑稱自己係貓奴都好，貓從來都唔應該成為第一考量。領養人既唯一條件係可信任的人，你信任佢會錫貓、會為佢裝窗網、貓仔病嗰時會帶佢睇醫生、唔會俾佢走失。揾緊既係一個你相信會俾貓好生活既人，唔係乜野外在條件，必須係專業人士諸如此類既bullshit。呢個係香港部份義工的盲區，對於批評同改善意見，佢地聽唔入耳。因為自覺咁樣係最好，一邊屌人買貓一邊唔出貓俾有心人。搶佔道德高地談何容易？最難係接受意見，更難係令佢地知道領養呢件事係人同人交流所得的結果。
我唔知自己可以做幾多野，but we hope for the best.
Comments