一路都好鍾意睇人跳舞，有一排會成日睇舞團既dance cover，睇住佢地整齊又有力咁跳哂成首歌就勁滿足。我聽kpop既導入應該是舞蹈。以前覺得kpop等於整容、罐頭歌同咪嘴，賣點只係洗腦。所以以前*睇*泫雅heartbreaker係直接mute咗音樂佢，不過其實洗腦又有乜所謂。好似我唔再介意睇地鐵扶手電梯既廣告一樣，吸收吓資訊啫，「唔好俾人賣到廣告」其實好笨。如果剛好節奏旋律入耳，能夠填補我等車或行路時既空檔又未嘗不可。
所以我對耳而家非常開放，但喺呢個狀態下我只有揀咗女團嚟聽。暫時聽緊iz*one、itzy同blackpink，而且係對男團無任何興趣，難道這就是傳說中女性天生的優勢？不、我自認為是厭男的體現之一，由心而發地唔想為男團增加一點點views，以制衡在現實社會中得勢的男人；也可能是男人的魅力本身無法吸引我。睇住女人跳「boyish」既舞的反差感更令人心動，睇女人跳「girlish」既舞又更令人心跳。如果咁樣是女性優勢真係唔好意思，因為我地係無賓周的。我並不太熟悉韓國文化—除咗知道係個極度父權既國家之外，幾乎連歷史都只係略知一二。對於近年興起的girl crush熱潮確實吸引咗我呢個偏向無性別人士。比起一般女團以前用可愛、性感、型格等較平面的典型女性型像去作招徠，吸引返嚟很多都係睇樣、腳、胸的膚淺的男士。呢一邊廂評頭論足，另一邊廂用嚟做發洩對象。現在流行的girl crush就如其名係吸引女性聽眾為主，那麼女性喜歡女性的什麼東西呢？就單單以itzy為例，出好幾首主打歌（什至被指主題很撚悶）主題都係「be yourself」。
Whatever people say, I'm me
I just wanna be me
I wanna be me, me, me
There's no need to be something I'm the best when I'm myself I wanna be me, me, me
wannabe
Hey there, hey there
We're a great pair, great pair
I don't know what you're feeling but what I think is right
Since my feelings are mine I'll freely like you
And since your feelings are yours too
Not Shy
歌詞中透露著自信同閃耀，有很強的自我意識之外，仲有對他人的自我之尊重。避過很多的誤區— 社會有種風氣：總以為「我要你成為什麼」、「你就是我的什麼」此等粗暴而帶侵略性的言語就係愛的體現。殊不知其實愛是空間同自由，非禁錮同控制。把伴侶，尤其是女人當作係人喺父權社會中係相當難得的事。如此廣闊的心胸向社會告知：遭受過的苦痛與不公就算數，也不打算以怨報怨，反而係我也會尊重你，雖然你是如此可惡。所以不難發現itzy的定位係男女通殺，因為「做自己」的主題無論係男定女都很受落，畢竟大家很清楚自己係生存緊喺一個怎樣高壓的社會。而且大部份男性從不理解自己有怎麼的優勢、女性在受怎麼的壓逼。
說起來男人真是得寸進尺，睇完立場評blackpink的文章，只能說佢完全捉不到佢地的賣點。只是一廂情願地用男性角度去了解佢地並作評論。（仲咁撚多人睇，睇我啲文好過啦。）吸引女性聽眾很重要的特點係讓女性「希望成為他們」，所以一個近來kpop女團就很常聽到的一個字：bad。
I'm so bad bad, I just wanna be selfish
It's a hundred times better than being hurt pretending to be nice
Wannabe, Itzy
Bad, bad, I’m sorry I’m bad
I’m just the way I am
There’s no time to care about what others think
I’m busy doing what i want to do
My life, I will live my own way, don’t stop me
Cause I’m special, yeah!
Dalla Dalla, Itzy
Been a bad girl, I know I am
And I’ m so hot, I need a fan
I don’t want a boy, I need a man
Boombayah, Blackpink
Didn’t wanna be a princess, I’m priceless
A prince not even on my list
Lovesick Girls, Blackpink
對於不符合既定女性形象：無私、友善、內斂含蓄、依賴男人等的女性都稱作壞女孩，再由年輕的女性唱出，不正就是一種魅力所在嗎。開放平權思想湧入，以潮流文化、眾多青年人的偶像作為導入，至少讓女性接觸到呢種「壞女孩」的魅力。配合著「成為自己」的思想，不難發現「壞女孩」也許正正是好多女性所想成為的：充滿自信、獨立自主、不過份在意他人目光以使自己難受、勇敢求愛。就正正是去除社會強加於女性作為「女兒/母親/妻子」的定型，帶返女性去佢地原本作為只係人類的狀態。一邊讓不符合社會標準的「壞女孩」知道佢地不是那麼壞，因為壞的只是社會。（當然歌曲並無評批社會的意圖）另一邊讓因受著「好女孩」名譽而痛苦的女性知道也許受壓並不是唯一辦法—任何人都可以成為自己，可以同偶像一樣閃耀。
近排聽過一個很有意思的講法，指女性充權係多方面的：身體自主、經濟自主、社會地位等各個方面。以性工作者為例，假設係出自本願，那麼他正在實踐身體自主同藉由工作去獲得經濟自主。但係同一時間，以現今社會來看，他從事「低賤」的工種，係出賣肉體同不被大眾接受的，所以社會地位又相對低咗。那麼他是在充權嗎？還是以「女人的肉體好值錢」呢個由父權引伸出嚟既富佔有慾的思想去揾錢呢。所以女性充權其實是很能拆開嚟睇的，單單望住一點嚟評論實在是不太公道。而非常神奇地我當時諗到的例子竟然係kpop stars，以girl crush作招徠的女團到底是在充權嗎。無疑，反著清純可愛路線走高冷性感壞女孩的路線係對於傳統或女性既定印象的最大反擊，但呢種走向另一邊又何嘗不是因為被另一邊界定。也就是說，喺理想國度清純同壞女孩不應該是對立的—他們都是人類。但現時而言，以走向極端作動行喺現時卻係不可缺少的，因為儘管方向不符合理想，卻係一種對既定印象的最有力的抗衡，也是到達終點的過程。
之但係有件事很撚清晰的，就係女性充權就係女性的權力比原先的增加，以此達到平權並建構理想國度，所以過程必然係唔撚「公平」的。總不能你有100蚊而我得50蚊，我爭取緊50蚊嗰時你喊天叫地。係呀，因為真係唔公平的，我咁遲先開始爭取50蚊，你條仆街竟然仲想分一半，簡直不要太無恥。
後記
本身臨尾想插吓立場篇文，但係重睇覺得真係太低質。滿滿都是厭女特質，很撚想嘔，還是睇返Lisa好了。
推一推 :3
BLACKPINK — ‘Lovesick Girls’ M/V
BLACKPINK — ‘PLAYING WITH FIRE’ M/V
ITZY “WANNABE” M/V
コメント