//作曲 : 陳輝陽 作詞 : 林夕 編曲 : 陳輝陽 監製 : 陳輝陽
為愛下去 過下去 我們才想工作萬歲
那代價不過是疲累 在電影院的美夢裡
可惜結局也未到已沉睡
平常極奢侈的樂趣 抱著你一夜閒談
明日是假日再也無懼
沒有預算也願逃出這裡赴賞櫻之旅
快樂趁青春去追 樂極偏會心虛
這麼普通的情侶 未來又怎麼敢想下去
但求學會 吃苦的樂趣
當你 仍然信我 愛情 沒有輓歌
未相信情懷輸給世道 仍在亂世中開花結果
不理 誰能夜夜笙歌
別管 世界艱辛的錯
如果 這一生只要找得到
誰陪我每餐青菜淡飯 有哪關闖不過
在這亂世愛定你已是人生僅有大志 就這麼一輩子
浪漫的講聲我願意 一起要預了挨世界不易
樂業安居早已 已令送花是重大樂事
現實會逐吋逐呎擠壓當初情意
但更要感激這測試 明瞭相戀的意義
牽手須要心懷壯志 成就了愛侶變烈士
當你 仍然信我 愛情 沒有輓歌
未相信情懷輸給世道 仍在亂世中開花結果
不理 誰能夜夜笙歌 別管 世界艱辛的錯
如果 這一生只要找得到
誰陪我每餐青菜淡飯 有哪關闖不過
現實會逐吋逐呎擠壓對象亦出錯
得你仍然信我 可會 像在浮沙掙扎過//
或者我唔係target audience，或者我對呢首歌嚟講年紀太輕。愈聽我只有滿滿的厭惡。無人會對美麗既愛情有惡意，帶住惡意既係呢個社會。咁我對社會都抱有惡意。點解喺香港地拍個拖要咁辛苦？我地係做錯咗啲乜野。
愛情唔應該係兩個人一齊對抗世間，應該係兩個人之間既交流同感覺。點解社會咁撚討厭我地，連拍拖都要考慮埋你。因為社會隨便咁加入我地既生活，就要妥協。林夕歌頌呢種妥協唔係我想要的。我以為會最少最少屌柒個社會，點解我地要逆來順受仲要為撐過呢種不道德逼害而歡呼。
香港既愛情要扭曲到乜野程度先可以做到。
浪漫的講聲我願意 一起要預了挨世界不易
樂業安居早已 已令送花是重大樂事
現實會逐吋逐呎擠壓當初情意
但更要感激這測試 明瞭相戀的意義
歌詞講到愛情唔止係愛情，係卑微又可笑既掙扎。我地要幾可憐先會將愛情呢件事拉扯到咁多苦難。送花、浪漫本應係情侶間會做的事，係我地認同會增進關係或者至少展示關係既舉動，係正常不過的事。但林夕寫到係重大樂事、挨世界。生活到底要侵入我地幾多先開心先滿意？林夕俾咗個好鳩同時又好令人滿意既solution: 呢啲全部都係測試嚟，我地既愛情就係要經過呢啲試驗。你以為自己係火鳯凰嗎？
我問既係點解、點解我地想拍個拖都要咁艱難、點解我地想組織自己家庭，自己生活都要好似耶穌受難咁。係唔係由我地拍拖嗰刻就註定一對情侶會雙雙釘上十字架，然後為受苦而喜悅，為苦難過後而歡呼，當乜事都無發生過。林夕點解你唔幫我地，你點可以接受呢堆不文明。
第三句係全首歌既轉接，突然加大咗bass，好突兀。好似林夕俾出嚟個答案一樣咁突兀。我唔知陳輝陽係唔係都感受到啲乜野所以編到咁樣。呢個突兀同所有聽眾講：「個答案假㗎收皮啦。」或者呢首歌根本唔係好似MV咁要歌頌愛情同亂世情侶，唔係講啲乜野一齊闖過難關。而係直直地拋返所有惡意俾社會，控訴社會俾咗一個咁爛咁令人作嘔既環境我地，就連愛情都無辦法正常生長。
又或者只係我一廂情願。
Comments